 |
| bakt zada danish |
ډولۍ دَ ارمانونو دَ پردو پۀ اوږو بار وې
ويرېږم دَ هندوي سرۀ خالونه به پرې وران کړې
تېره تېره نېزې وي دَ سړو پۀ اوږو بار وې
ښائسته ښائسته باڼه دې پۀ چشمانو
باندې بوج وو
خولې دې دَ واورينو اننګو پۀ اوږو بار وې
اے ښۀ شوه چې ټق وچاودې زړګيه چې
دمه شوې
تر څو به دَ تاؤجنو سرو لمبو پۀ اوږو بار وې
دَ ډېرو کتابونو ترجمې مې لوستې نۀ وې
څۀ ډېرې ترجمې دَ ترجمو پۀ اوږو بار وې
اخر عمر دې ځانله پۀ يواځې ځائے کښې تېر کړو
بابا ښۀ شوه چې مړ شوې دَ بچو پۀ اوږو بار وې
دانشه چې دې ټول عمر پۀ دواړو اوږو ناست ؤ
تۀ ګوره نن هغو ته دَ هغو پۀ اوږو بار وې
دَ ګُلو جنازې وې دَ ازغو پۀ اوږو بار وې
Reviewed by Wasimdarbar
on
March 01, 2019
Rating:
Reviewed by Wasimdarbar
on
March 01, 2019
Rating:
No comments: