دَ ولسونو نه ځان لرې ساتې

best pashto poetry

pashto poetry

bakhtzada danish 

amazing poetry

love poetry

hate poetry

pashto 

just poetry

pashto laung

دَ ولسونو نه ځان لرې ساتې

دَ ائينونو نه ځان لرې ساتې

شاعر به څنګ دَ ژوند تصوير جوړوي

چې له دَ دردونو نه ځان لرې ساتې

پۀ خېراتو کښې دې خېټه وکړه

دَ خېراتونو نه ځان لرې ساتې

اذان چې وائې نو غوږونه بند کړې

دَ اذانونو نه ځان لرې ساتې

دَ بارانونو دُعاګانې غواړې

دَ رحمتونو نه ځان لرې ساتې

دَ اياتونو ترجمې ته ناست ئې 

دَ اياتوتو نه ځان لرې ساتې

نۀ نو شاعره درد به څنګ تصوير کړې

چې دَ دردونو نه ځان لرې ساتې

پۀ تعويزونو دې روزګار روان دے

دَ تعويزونو نه ځان لرې ساتې

دَ قيامتونو نه دې ويره کېږي

دَ قيامتونو نه ځان لرې ساتې

شېخه! دا تۀ څۀ عجيبه سړے ئې

چې دَ سازونو نه ځان لرې ساتې

پۀ جنتونو پسې منډې وهې

دَ جنتونو نه ځان لرې ساتې

پۀ قاموسونو کښې معنې لټوې

دَ کتابونو نه ځان لرې ساتې

لامبو دې نۀ ده زدۀ هوښيار دانشه

دَ دريابونو نه ځان لرې ساتې